31
соне, и яже бяше болезнь люта на очех моих в тои час отпаде, и бых здрав, яко николи же болев. И приах от блаженнаго Фотиа патриарха Костянтиноградскаго митрополита Киеву Михаила в царство цареградских царей Василиа и Констаньтина, сынов Романа царя, внуков Констянтина Багрянароднаго, правнуков Лва Премудраго в лета 6496, иже божественным крещением крести всю Русскую землю и мног труд о Господи показа в новокрещеных людех, и веру православную съблюде, и всех благоразумию научи, и течение о Христе сконча, и усну блаженным сном в вечныи покои о Господи.
[3]И по нем приах от святого Фотиа патриарха цареградскаго митрополита Киеву Леонта, и создах церковь съборную пречистыя Богородици Десятинную, и дах еи десятину изо всего своего княжениа и от всякого нашего суда десятая, а ис торгу десятую неделю по всех градех, а на всякое лето от всякого стада десятая, и от всякого жита на всякое лето десятая Господу Богу и Спасу нашему Исусу Христу и пречистеи его матери Богородице и отцем своим митрополитом.
[4]Се же и по всеи земле Русскои в всех княжениах в соборную церковь епископом устроих по греческым номоканоном.
[5]И по сем пакы разсмотривше греческыи номоканон, и обретохом в нем написано сице, яко не подобает церковных судов мирским князем судити, ни боаром их, ни тивуном их; и яз тако же по греческим номоканоном сътворих сед со отцем с своим Леонтом митрополитом всеа Руси, и со всеми детми своими, и со всеми князи своими,
ибояры, и дал есмь те все суды по греческим номоканоном святеи божественеи соборнеи церкви пречистыа Богородици отцем своим митрополитом всеа Руси и всем епископом по всеи Руссои земли в род и род до века.
[6]И заклинаю Богом и пречистою Богородицею всех, еже съблюдати сиа не подвижно и никако же невъступатися в церковныа святительскиа суды, и в власти их, и в люди их, ни детем моим, ни внучатом моим, ни правънучатом, ни всему роду моему в род и род до века.
[7]И боаром нашим, и тивуном нашим, и иным всем судиам нашим, и иже по нас в род и род до века, никако же судов святительских церковных не судити, и наших мирских князей судов без судеи митрополичих не судити десятаго ради дохода. Богом заклинаем и пречистою Богородицею съблюдати вся неподвижно даже до скончания мира.
32
[8] А се управа, и разсуды и суды церковныя святительскиа: венчаниа, молитвы, обручаниа, и сих преобидениа, разспущениа, смилныа, промеж мужем и женою нестроениа и брани, и о животех их, и о душах их, и аще долго время не крестят детеи своих; в сродстве и в племени, и в кумовстве, и в сватовьстве женение; насилие, поругание, любодеание, въсхыщающих на брак мужатыа жены, или вдовици, или девици, или нужу творящих сим или насилствующим; аще оставит жена муж свои, или муж оставит жену свою; ни во что же полагающих велики пост, постящихся в субботу и в неделю и в прочии разрешеныа дни, не постящихся в великую субботу и прочим повеленым постом ругающимся; не ставящих на церкви креста; въздвизающих церкви без благословениа святительскаго, законопреступление, еретичество, ведовъство, потворы, чародеание, волхвование, кобение, зелеиничество; аще укорит кто кого не по вине рек любодеем, волхвам, еретиком; аще в которе и в сваре кто кого зубом ясть, или лоно вредит, аще сын отца биет, или матерее дщи биет, или сноха свекров; или кто кого наречет скверными словесы, аще укоряа приложит отца и матерь, или сестры, или дети именовав, любодеание, или волхвавание, или еретичество; аще дети или племя тяжутся о задници; аще церковь покрадуть; аще мертвее цев обнажать; аще святым церквам поругаются, или святым крестом, или святым иконам, емлющих трески с церкви, с креста, с икон; носящих наузы, съдевающих что неподобно в церкви или кто без великиа нужи в ведет в церковь скот; аще с безсловесными бешение; аще молятся твари, солнцу, луне, звездам, облаком, ветрам, кладезям рекам, дубию, горам, камениам, или июдеиское ослепление, Рефану, денници, Молоху моавитскому идолу служение, или пасху празнует кто с июдеи; аще преставит кто церковь с места на место без благословениа святительскаго; аще священна в поруганиа дасть; аще кто от священных без благословениа и повелеина, или от чюжаго предела пришед служит священнаа, аще кто от священных преидеть в другии предел святительства без благословениа и отпущениа своего святителя; аще иноци оставляют свои монастыри, в них же постригошася; аще от небрачных детищ явиться, или кого застанут с четвероножною; или кто под овином молится, или ворожити, или под рощением, или у воду; или девица дитя повержет.
33
[9]Те все суды от Бога священным церквам даны суть из начала прежде нас законы, и правилы, и уставлении святыми апостолы, и святыми богоносными отцы, и православными благочестивыми цари.
[10]И яз, грешныи княз Володимер, нареченныи во святем крещении Василии, тако же уставих и дах святеи церкви и святителем по всеи Русскои земли.
[11]Аще же кто преобидит сии устав, таковым грех не прощенным бытии от Господа Бога, и гнев, и горе себе наследуют, аще не покаются.
[12]И своим убо судиам и тиуном приказываю и засвидетелствую пред Христом Богом, и пред всеми святыми его, и пред всем народом, священных доходов, и пошлин, и управ, и судов церковных святительских не обидети и из судов градскых давати десять частеи князю,
адесятаа чясть святеи церкви и отцу нашему святителю, тако же и всем святителем по всеи Русстеи земли, где суть священнии епископьстии престоли.
[13]О мерилах, и весех, и спудах, и ставилах. Сие же убо искони поручено Господем Богом святителем и епископьям их градскиа, и торговыя, и везде всякиа мерила, и спуды, и весы, и ставила. От Господа Бога тако из начала уставлено есть и не поколеблемо никогда же бытии до скончаниа мира, и святителю блюсти бес пакости всего того подобает, за все бо за то воздати ему слово в день суда великаго Христова, яко же и о душах человеческых.
[14]А сиа люди церковнии, по божественым правилом предании патриарху или митрополиту, или епископу вкоем аще пределе будеть: епископы, архиимандрити, игумени, игумении, попы, диаконы, попадии, диаконици и дети их, и иже суть в клиросех иноки, инокини, проскурници, пономари, стражи священнии, местьници, прощеници, бабы вдовицы, задушьнии человеци, прикладници, странници, нищи, монастыри, и бани их, и врачи их, болници и врачи их, пустынници, странноприимци, и кто святая одеаниа иноческая свержеть.
[15]Те все по древнему уставу святых апостол, и святых отец, и благочестивых православных цареи святым церквам даны, патриарху, или митрополиту, или епископу, в коего ждо аще пределе будут. Да ведает их тои, и управу дает и разсужает.
[16]Аще что будет промеж ими, или которание, или безчиние, и нестроение, или суды, или обиды, или насилие, или церквам и закону христианскому что неподобно съдеется, или лихоимством имение
34
преставльшагося въсхитится, душа бо вышши всего есть, или мерила неправедно, и весы, и спуды, или задница.
[17]Аще ли иному человеку будет ними суд или обида которая, то общи суд, и присуд, и пересуд наполы.
[18]Аще кто преступить сиа правила, яко же есмь управил по святых апостоль, и по святых отець, и по первых православных благочестивых цареи управлению, кто имеет поругати, преступати правила сиа, или дети мои, или внуци мои, или правнуци, или по тех и князи,
ибояре, или в которых градех наместници, или судиа, или тиуни, аще имут поругати и обидети те священныа суды, и управы, и доходы, и пошлины церковныя святительскыа, или отимати, да будуть проклятии в сеи век, и в будущии, и от святых апостол и от седмих съборов святых отец вселеньскых. Глаголеть бо в еуангелии своем Господь к таковым: «Идите от мене, проклятии, во огнь вечныи, уготованныи диаволу и аггелом его».
[19]А се о десятинах. От всякого княжа суда десятаа векша, ис торгу десятаа неделя и от дани, и от веры, и из всего схода и прибытка, и от лова княжа и от всякого стада, и от всякого жита десятое в соборную церковь епископу. Царь или князь в девятих чястех, а церкви соборнаа в десятои чясти. «Основаниа же иного никто же может положити, паче лежащего» сего, от начала век положенаго от Бога и святых его, и да вси съгражают на сем основании. Аще кто разсыплеть храм Божии, разсыплет того Христос Бог, церкви бо Божиа свята есть и утвержена Господом Богом в век века.
[20]Аще кто обезщестит и разорить святыи сии устав апостольскыи и отечьскыи гнев Божии на себе привлечет, и грех непрощен, и проклятие в сии век и в будущии, яко же в еуангелии писано есть, яко с проклятием таков и отсылаються от Господа Бога «во огнь вечныи уготованныи диаволу и аггелом его».
[21]Аще кто поругает и изъобидит священныа доходы, и пошлины, и управы, и суды церковныя святительскиа, четверицею да воздасть и страшен ответ воздасть на страшнем суде Христове, идее же никто же никому же поможеть, разве истинныя веры православныя и благых дел.
[22]Аще кто завещание и уставление мое порушает, или сынови мои, или внуци мои, или правнуци мои, или по них кто от рода моего, или от князеи, или от бояр, или кто от властелеи, и тиунов, и прочих аще порушат мои ряд или вьступяться в суды священныа святитель-
35
скиа, или в доходы и пошлины, что есми дал митрополиту отцу своему и епископом в всех княжениах по святых апостол и святых отец,
ипо первых православных благочестивых цареи управлению, да примет месть от Христа Бога и от достоине держащаго державу русскую.
[23]Аще же вся сиа преобидит кто, и имеет вступатися, и отнимати, и судити, преслушав спасеныа заповеди Божиа, и апостольскиа, и отеческиа, и православных благочестивых первых цареи, и неключимых нас, завещание священныа церковныа управы, и суды, и доходы,
ипошлины, тои да станеть с мною пред Христом Богом на нелицемернем, и грознем, и страшнем суде, и да не будеть на нем милости Божиа в сем веце и в будущем, и да будеть проклять.
2. УСТАВ КНЯЗЯ ЯРОСЛАВА О ЦЕРКОВНЫХ СУДАХ
Устав князя Ярослава о церковных судах развивает основные положения, содержащиеся в Уставе князя Владимира. В нем не только указаны дела, подсудные церкви, но и определены конкретные санкции. Устав представляет собой кодекс брачно-семейного права Древней Руси и одновременно является судебником по внутрицерковным делам. Он сложился в XI–XII вв., но продолжал активно перерабатываться вплоть до XVI в. Памятник дошел до нас более чем в 90 списках.
Устав Ярослава условно может быть разделен на три части: вступление, судебник и заключение.
Во вступлении говорится, что князь Ярослав по совету с митрополитом Илларионом подтвердил устав своего отца.
В судебнике излагаются конкретные преступления с обозначением соответствующей санкции. Все преступления могут быть разделены на четыре группы: 1) против личности, к которым следует относить изнасилование, нанесение телесных повреждений, убийство новорожденного, покушение на убийство, оскорбление словом или действием; 2) имущественные преступления – татьба, поджогом; 3) против нравственности – блуд, двоеженство, кровосмешение, скотоложство, незаконный развод; 4) против церкви и религии – чародейство, волхование, интимная связь с иноверцем, общение с отлученным от церкви, употребление в пищу запрещенных продуктов, совершение службы священником в чужом приходе. Устав устанавливает сле-